رئاسة الوزراء تفضلت مشكورة بإصدار بيان عن حادثة قطع الكهرباء التي كادت تؤدي لوفيات بالاختناق ف المترو ولتوضيح أسباب قطع التيار المتكرر وبالارقام
لأول مرة تكلف الحكومة خاطرها وتكلم الشعب علي اساس انه موجود برضه ومن حقه يفهم ولو شوية جميل وخطوة مشكورة وكمواطن لا يزعم انه بيفهم في انتاج الكهربا ولا يعرف عنها أكتر من اللي الحكومة بتقوله لي ملاحظات :
الاحمال حسب البيان تعدت (المضمون) من الانتاج عشان طبعا مفيش قدرة انتاجية بتكون 100% طول الوقت وعشان كده التيار بيتقطع ماشي ...مقتنعة انا انما في نفس البيان بيقولنا فيه عجز 10% ...وبنصدر ...باحب غزة وفلسطين ولا أهدف مطلقا لأي هري سياسي لكن منين عجز ومنين أصدر يعني أفهم طيب؟؟
ونقطة أخري أغرب من اختها البيان بيقولنا ان المفروض المترو يكون فيه وسائل توليد كهربا أو ما يشبه في حالة الانقطاع المفاجيء للتيار لكن ده مش موجود طب معلش يعني مش موجود عشان الاخوة الفرنسيين نسيوا ولا عشان إهمال ولا تقصير صيانة ولا ايه؟؟؟
نقطة تانية يمكن هايفة شوية ...توقعوا ان الزيادة ف الطلب علي الكهربا تكون 10 % قوم المواطنين خدعوهم وطلعوا لحد 12% بيحسبوها ازاي طيب يا رئيس الوزرا؟؟؟
البيان بداية مبشرة ولكنه ليس غاية المراد من رب العباد ...الي اللقاء في بيانات أخري
ليست هناك تعليقات:
إرسال تعليق