ثار الشعب وهاج وماج .... والآن مطلوب أن يعود لسلوك النعاج بعد أن عاش كام شهر كأسد هصور ....كيف السبيل؟؟؟
لاأزعم إنني (خابور) استراتيجي أنا الأخري لأحلل المشهد كل ما أستطيع قوله أن لي ملاحظات جراء معايشة هذا المشهد
تكرار انقطاع الكهرباء مع مزاعم ان الاستهلاك أشد وإن (الحكومة) قد قامت بتصدير الكهرباء وان الانتاج أقل لارتفاع سعر السولار وان الموجة الحارة أجمد من اللازم وان ولاد ال...بيايعين التكييفات عملوا عروض جامدة فحت ...كل الاسباب (الوجيهة) علي عيني ورأسي مع ان ولا سبب منها يصمد اذا فكرنا فيه لمدة دقيقتين فلا الصيف جاء (فجأة) ولا الحكومة صدرت الكهربا من خلف ظهر وزارة الكهربا ولا عدد المصريين تصاعد بعشرة خمستاشر مليون عادوا من عطارد للاستقرار ف الوطن ...لا يوجد سبب حقيقي سوي إنهم (عايزين كده) واذا كان هناك مبررات شديدة العوار لانقطاع الكهربا فلا مبرر علي الاطلاق لانقطاع المياه وبالأيام عن بعض المناطق ...النيل جاله عقد عمل يا جدعان ولا إيه؟
وماذا عن أزمة البنزين والسولار أيضا وأزمة انابيب البوتاجاز كأننا فعلا شعب قدم فجأة من كوكب آخر يطالب مسئولين مساكين بأن يتحملوا مسئوليتهم ويسددوا احتياجاته
في التدوينة السابقة كانت أزمة البناء العشوائي وعدم استطاعة الحكومة - يا قلب امها- مواجهة الناس بقرارات ازالة لا تصدر أصلا واذا صدرت لا تنفذ طبعا بسبب افترا الناس هل عندك شك؟؟؟
الآن آخر ما تفتقت عنه العبقرية أزمة المياه المعدنية ...آه والله ...لا تستطيع أحيانا أن تجد زجاجة مياه واحدة مهما لفيت والاجابة أصل فيه شركات وجدوها تنتج مياه مضروبة فأغلقوها طيب اقتنعنا شركات ايه ؟؟؟ اذا تعرفت علي اسم أو اكثر فستعرف حتما انه لم يسبق لك التعامل مع هذه الشركات واذا ناقشت البائع فسيقول لك بلا تردد ..محدش كان بياخد الميه دي طب ولما الميه دي كانت زي قلتها ف السوق وأكيد انتاجها مش مؤثر لضعف الاستهلاك غيابها عامل أزمة ازاي يعني؟؟؟ الاجابة الأخري ...الميه بتروح الساحل الشمالي لا يا راجل اللي هو احتلوه سكان الفضاء باحتياجاتهم المجهولة للمرة الاولي ف التاريخ برضه...ولا هو هو الساحل الشمالي بتاع كل سنة اللي احنا عارفينه ده؟؟؟
علي فكرة قبل ما تختفي الميه كان فيه استهلال لابد منه ان الفلترز المطروحة ف السوق المصري (زي قلتها) وإنها لا تؤدي دورا ولا تجدي شروي نقير ...تمهيد حلو برضه عشان تلاقي نفسك لا قادر تستعمل فلتر ولا لاقي ميه تشربها لو كنت من هؤلاء اللي هما الجمهور المستهدف لتلك الأزمة
نيجي بأه لسلوكيات عامة زي مثلا تأخير حقوق مادية لشركة ولا عاملين بقطاع ما لإعادتهم لحظيرة الطاعة اللطيفة بتاعة من فضلك لو تكرمت لو تسمح يعني لو مكانش يضايقك ولا يعكر مزاجك .عايز حقي بصوت واطي وبأدب أهو
حاجة تانية غريبة نوعا لاحظتها وانا قليلة التعامل مع (الترمواي) ف الاسكندرية ففي مرات التعامل القليلة مؤخرا وفي ساعة الذروة وبعد امتلاء واحدة من عربتين متوقفتين بالمحطة الرئيسية ف بداية الخط فجأة يخبرون الناس ان العربية التانية اللي لسه داخلة المحطة من دقيقة هيه اللي هتطلع الاول ويا دوب دقيقة كمان وتكون اتحركت مطلوب من الناس انهم يجروا عشان يلحقوا ليه طيب؟؟؟ المبررات هبلة جدا لان الخط مختلف وهم يريدون تسيير عربة علي ذلك الخط طب تمام لافتة الترام نفسه يمكن تغييرها فلم لم يفعلوا ؟؟؟أصل السواق لا يسير علي ذلك الخط تمام لم لم يغيروا السواق اذن وهذا اسهل مليون مرة من حركة الركاب؟؟؟
لا طبعا هما عايزينها كده ايه كده دي ؟؟؟ اعادة الناس الي حظيرة التحكم والسيطرة الهبوط بطموحهم من تغيير الكون الي تأمين احتياجات يومية بسيطة بل هي ابسط الحقوق الآدمية ...هاه انفع خابور؟؟؟
لاأزعم إنني (خابور) استراتيجي أنا الأخري لأحلل المشهد كل ما أستطيع قوله أن لي ملاحظات جراء معايشة هذا المشهد
تكرار انقطاع الكهرباء مع مزاعم ان الاستهلاك أشد وإن (الحكومة) قد قامت بتصدير الكهرباء وان الانتاج أقل لارتفاع سعر السولار وان الموجة الحارة أجمد من اللازم وان ولاد ال...بيايعين التكييفات عملوا عروض جامدة فحت ...كل الاسباب (الوجيهة) علي عيني ورأسي مع ان ولا سبب منها يصمد اذا فكرنا فيه لمدة دقيقتين فلا الصيف جاء (فجأة) ولا الحكومة صدرت الكهربا من خلف ظهر وزارة الكهربا ولا عدد المصريين تصاعد بعشرة خمستاشر مليون عادوا من عطارد للاستقرار ف الوطن ...لا يوجد سبب حقيقي سوي إنهم (عايزين كده) واذا كان هناك مبررات شديدة العوار لانقطاع الكهربا فلا مبرر علي الاطلاق لانقطاع المياه وبالأيام عن بعض المناطق ...النيل جاله عقد عمل يا جدعان ولا إيه؟
وماذا عن أزمة البنزين والسولار أيضا وأزمة انابيب البوتاجاز كأننا فعلا شعب قدم فجأة من كوكب آخر يطالب مسئولين مساكين بأن يتحملوا مسئوليتهم ويسددوا احتياجاته
في التدوينة السابقة كانت أزمة البناء العشوائي وعدم استطاعة الحكومة - يا قلب امها- مواجهة الناس بقرارات ازالة لا تصدر أصلا واذا صدرت لا تنفذ طبعا بسبب افترا الناس هل عندك شك؟؟؟
الآن آخر ما تفتقت عنه العبقرية أزمة المياه المعدنية ...آه والله ...لا تستطيع أحيانا أن تجد زجاجة مياه واحدة مهما لفيت والاجابة أصل فيه شركات وجدوها تنتج مياه مضروبة فأغلقوها طيب اقتنعنا شركات ايه ؟؟؟ اذا تعرفت علي اسم أو اكثر فستعرف حتما انه لم يسبق لك التعامل مع هذه الشركات واذا ناقشت البائع فسيقول لك بلا تردد ..محدش كان بياخد الميه دي طب ولما الميه دي كانت زي قلتها ف السوق وأكيد انتاجها مش مؤثر لضعف الاستهلاك غيابها عامل أزمة ازاي يعني؟؟؟ الاجابة الأخري ...الميه بتروح الساحل الشمالي لا يا راجل اللي هو احتلوه سكان الفضاء باحتياجاتهم المجهولة للمرة الاولي ف التاريخ برضه...ولا هو هو الساحل الشمالي بتاع كل سنة اللي احنا عارفينه ده؟؟؟
علي فكرة قبل ما تختفي الميه كان فيه استهلال لابد منه ان الفلترز المطروحة ف السوق المصري (زي قلتها) وإنها لا تؤدي دورا ولا تجدي شروي نقير ...تمهيد حلو برضه عشان تلاقي نفسك لا قادر تستعمل فلتر ولا لاقي ميه تشربها لو كنت من هؤلاء اللي هما الجمهور المستهدف لتلك الأزمة
نيجي بأه لسلوكيات عامة زي مثلا تأخير حقوق مادية لشركة ولا عاملين بقطاع ما لإعادتهم لحظيرة الطاعة اللطيفة بتاعة من فضلك لو تكرمت لو تسمح يعني لو مكانش يضايقك ولا يعكر مزاجك .عايز حقي بصوت واطي وبأدب أهو
حاجة تانية غريبة نوعا لاحظتها وانا قليلة التعامل مع (الترمواي) ف الاسكندرية ففي مرات التعامل القليلة مؤخرا وفي ساعة الذروة وبعد امتلاء واحدة من عربتين متوقفتين بالمحطة الرئيسية ف بداية الخط فجأة يخبرون الناس ان العربية التانية اللي لسه داخلة المحطة من دقيقة هيه اللي هتطلع الاول ويا دوب دقيقة كمان وتكون اتحركت مطلوب من الناس انهم يجروا عشان يلحقوا ليه طيب؟؟؟ المبررات هبلة جدا لان الخط مختلف وهم يريدون تسيير عربة علي ذلك الخط طب تمام لافتة الترام نفسه يمكن تغييرها فلم لم يفعلوا ؟؟؟أصل السواق لا يسير علي ذلك الخط تمام لم لم يغيروا السواق اذن وهذا اسهل مليون مرة من حركة الركاب؟؟؟
لا طبعا هما عايزينها كده ايه كده دي ؟؟؟ اعادة الناس الي حظيرة التحكم والسيطرة الهبوط بطموحهم من تغيير الكون الي تأمين احتياجات يومية بسيطة بل هي ابسط الحقوق الآدمية ...هاه انفع خابور؟؟؟
للأسف مفيش لايك هنا :)
ردحذفتدوينة في الجون .. انا بعتبر نفسي محظوظ للعثور علي المدونة اليوم :)
مختصرة .. دقيقة .. في العمق ..
خالص تقديري .
شكرا شكرا شكرا :)
ردحذف