مش سياسة عادي يعني أغنية عملتلي عصف ذهني علي الصبح
اغنية قديمة للغاية بتقول مليش امل في الدنيا دي غير اني اشوفك متهني لا يا شييييخة يعني يعرف عليكي نصف ستات الكون عادي طب حضرتك متأكدة انه حب يعني ولا حد قالك ده مريض وايامه معدودة وهنمشيها صعبانيات
يعني ايه امل حضرتك تشوفيه متهني واذا بعده عنك يسعده يبقي يبعد لا والله
شوفي يا مودام هيه واحدة من اتنين يا هو حد يهمك يبقي لو بعده عنك يسعده يبقي بالسلامة ولا ف داهية وخلاص او هو حد معرفة مثلا او وجوده زي عدمه ف حياتك يبقي برضه سعادته ببعده عنك مش اولوية لحضرتك
ومكملة بقي اما انا مهما جري هافضل اصون عهد الهوا ،،هوا اما يطرشق ضلوعك يا شيخة !!! عهد من جانب واحد ازاي يعني بتعاهدي نفسك؟؟؟ ويا تري العهد هتصونيه لنفسك برضه يعني مش هتخونيكي؟؟؟ أصله هو خلاص نفض وكبر وبقي سعادته ف البعد عنك يبقي صيانة العهد دي بقي ايه من قبيل جمع الانتيكات؟؟؟؟
وامعانا في غيظي واثارة حفيظتي الاقيها بتقول ان جيت ف يوم وما حبتنيش اكدب عليه وما تقوليش ،،الواحد يقولها ايه دي!!!! بشويش كده واحد لقي سعادته ف البعد عايزاه ما يقولش ايه يعني يجيب لك ورقة طلاقك ف هدية ملفوفة بشريط احمر ومعاها خطاب شكر ،،هتفرق يعني لو بلغك انه خلاص نفض بمنتهي الحنان ،،ايه العذاب ده!!!
يا ستي اللي ميحسش بقيمتك ويسعده بعدك ما تفكريش فيه مرتين علي الاقل عشان تسيبيله فرصة للسعادة التي ينشدها بعيد عنك :)) مش ده برضه كل املك ف الدنيا
ملحوظة : تدوينة غير موجهة مجرد خواطر ناتجة عن أغنية واي تشابه بينها وبين الواقع هو محض صدفة :))
اغنية قديمة للغاية بتقول مليش امل في الدنيا دي غير اني اشوفك متهني لا يا شييييخة يعني يعرف عليكي نصف ستات الكون عادي طب حضرتك متأكدة انه حب يعني ولا حد قالك ده مريض وايامه معدودة وهنمشيها صعبانيات
يعني ايه امل حضرتك تشوفيه متهني واذا بعده عنك يسعده يبقي يبعد لا والله
شوفي يا مودام هيه واحدة من اتنين يا هو حد يهمك يبقي لو بعده عنك يسعده يبقي بالسلامة ولا ف داهية وخلاص او هو حد معرفة مثلا او وجوده زي عدمه ف حياتك يبقي برضه سعادته ببعده عنك مش اولوية لحضرتك
ومكملة بقي اما انا مهما جري هافضل اصون عهد الهوا ،،هوا اما يطرشق ضلوعك يا شيخة !!! عهد من جانب واحد ازاي يعني بتعاهدي نفسك؟؟؟ ويا تري العهد هتصونيه لنفسك برضه يعني مش هتخونيكي؟؟؟ أصله هو خلاص نفض وكبر وبقي سعادته ف البعد عنك يبقي صيانة العهد دي بقي ايه من قبيل جمع الانتيكات؟؟؟؟
وامعانا في غيظي واثارة حفيظتي الاقيها بتقول ان جيت ف يوم وما حبتنيش اكدب عليه وما تقوليش ،،الواحد يقولها ايه دي!!!! بشويش كده واحد لقي سعادته ف البعد عايزاه ما يقولش ايه يعني يجيب لك ورقة طلاقك ف هدية ملفوفة بشريط احمر ومعاها خطاب شكر ،،هتفرق يعني لو بلغك انه خلاص نفض بمنتهي الحنان ،،ايه العذاب ده!!!
يا ستي اللي ميحسش بقيمتك ويسعده بعدك ما تفكريش فيه مرتين علي الاقل عشان تسيبيله فرصة للسعادة التي ينشدها بعيد عنك :)) مش ده برضه كل املك ف الدنيا
ملحوظة : تدوينة غير موجهة مجرد خواطر ناتجة عن أغنية واي تشابه بينها وبين الواقع هو محض صدفة :))
أزال المؤلف هذا التعليق.
ردحذفأزال المؤلف هذا التعليق.
ردحذفكلها اشتغالات حضرتك :)
ردحذف