فوائد الحرب الأهلية للأمة المصرية

لأن الحشد والشحن والإستنفار لا يزال سيداً للموقف ، لأن ليس هناك من يود أن يتوقف لحظة ليري إلي أين نمضي، لأن إرهاصات الحرب الأهلية بدأت بالفعل ، تعالوا نناقش الجانب الإيجابي في الحرب الأهلية :
1- بلغ تعداد الشعب المصري تسعين مليون حرب أهلية يعني علي الأقل عشرة ألاف قتيل في اليوم ده لو احنا قلبنا حونين يعني عدد أقل ..هتلاقي بنزين يا مواطن.
2- استرداد أموال المصريين بالخارج الليبيين خدوا أموالهم بلا أية محاكمات لا عادلة ولا ظالمة لأنهم إحتاجوها لشراء الأسلحة ..واحنا كمان ..زغرطي يا انشراح.
3- تدريب عملي علي القتال وحرب الشوارع لكافة المواطنين لو انت عاقل هتحتاج تشيل سلاح عشان تحمي نفسك ده مفيد لما اسرائيل تيجي تحتلنا مستقبلاً ..أيامك سودة يا كوهين.
4- الألعاب النارية ليل نهار وسماء مضيئة باستمرار ..مش هتقدر تغمض عينيك.
5- تغيير يا مواطن طول عمرنا محترمين وبنحترم حق الجيرة وعدم الاعتداء الي آخره نغير بأه نتطور ..قوم إقتل أخوك.
6- بقدرة قادر أزمات مصر هتتحل ..مش هيبقي فيه حد فاضي لبرامج التوك شو ..ومادام ما سمعناش يبقي كله تمام.
7- أثيوبيا هتسيبها من حكاية سد النهضة هيعطشوا مين ما خلااااااص.
8- باسم عودة مش هيضطر يقفز فوق عربات توزيع الانابيب ..لأنها هتفرقع.
9- عمر مصر ما قام فيها حرب أهلية ...وقالوا إن المصريين طيبين ...معاً لتغيير فكرة العالم السلبية عن المصريين .
وأخيراً حربٌ أهلية سعيدة للجميع ......اللهم إهد قومي فإنهم لا يعلمون.