نوع تاني (أحمد دومة)

فكرة جتلي النهارده بعد تصفح شوية في الفيس بوك ناس بتشتم في أحمد دومة وتتهمه بالبلطجة كأنهم شافوه بيثبت حد بمطوة هو قال انه حدف مولوتوف صح مش كل الناس مستعدة تموت من غير ما تحاول تدافع عن نفسها كم واحد ان شاء الله مستعد يلاقي الخرطوش والرصاص نازل وميحاولش حتي يخلي اللي بيضربه يرجع لورا؟؟ إيه اللي خلا دومة يقول ايوة حدفت في وجهة نظركم؟؟ انه مقتنع بشرعية دفاعه عن نفسه مش لأنه بلطجي بيفخر... تعرفوا المشكلة الحقيقية فين؟ المشكلة الحقيقية إني ممكن اقتنع ان الظابط اللي بيضرب نار والعسكري اللي بيخبط بالهراوات فاهم انه كده بيعمل الصح آه والله ده واحد لا اتعلم انه يقيم النظام ولا متخيل ان الوطنية انك ما تغمضش عينيك لو كان الكبير هو اللي غلط  ده حتي وهو شايف ان الكبار زفت بيقول لنفسه (أخطاء فردية) (انحراف أشخاص) مش منتبه ان الفساد بقواعد واساس وإن البني آدم فرصته في الحياة مرة يا يعيش بني آدم محترم يا يعيش ديل لأي حد بيأكله من غير ما يفكر جاب له اللقمة منين. المخبر والظابط واللجنة اللي بيشتم عالنت مش متخيل ان فيه حد بيضحي بحياته عشان فكرة ما بيفهمش الكلام ده أصلا اذا كان التمن بيوصله عشان كل حاجة بيعملها هيتصور ان فيه حد بيعمل كل ده ببلاش ؟؟؟ طب ازاي يعني؟؟ اوكي عمرهم ما فهموكم ان صوابعك مش زي بعضها؟؟ الناس أنواع؟؟؟ فيه ناس بتعيش لهدف ومستعدة بكل اريحية تموت في سبيل تحقيقه؟؟؟ 

اهو النوع الاخير ده أحمد دومة صدق أو لا تصدق.