الشعب جاهل الشعب مش فاهم الشعب مش مهتم
مغيب- متواكل- عاطفي
هيودينا في داهية الشعب اي حاجة وكل حاجة
أقولكم حاجة من الآخر
الشعب بفطرته صمم يروح قصر الرئاسة وزحفه عالقصر
خلي حسني يبلغ فرار
ايامها النخبة قالت ايه: بلاش القصر - الحرس الجمهوري هيضرب
ما تعملوش كده لتموتوا
كأن الناس كانت طالعة مظاهرات أساسا وهيه مش مدركة انها ممكن تموت
كان فيه تهدئة برضه من البعض قبل اصرار جزء من النخبة وكثير من الشعب
علي إقصاء شفيق
واللي صمم أثبتت الايام انه كان معاه حق
دلوقت الشعب بيرفض ان حد يجيب سيرة الجيش
بتعبير البسطاء ماله الجيش ما شفناش منه الا كل خير
حمانا مع ان مبارك كان نفسه يموتنا
ووقف جنبنا بعد ما اتخلي بتوع الداخلية عن واجبهم
عمل لنا ايه الجيش؟
يا جماعة انتو ما تعرفوش اصل الشرطة العسكرية فضت اعتصام طلبة الاعلام بالقوة
والطلبة ايه اللي قعدهم في الكلية؟ الطلبة هما اللي غلطانين وبعدين الجيش ما ضربهمش بالنار عمل ايه الجيش؟
واعتداء الشرطة العسكرية عالمعتصمين في التحرير يوم 9 مارس؟
برضه اكيد الجيش معاه حق ويوم 9 ابريل (ربنا ما يقطع لهم عادة)
الجيش عايز الخير للبلد
الشعب بيطبق مع الجيش مفهوم اللي يحبك يمضغلك الزلط
ولو احنا مسكت فينا الغباوة بنظام اللي يكرهك وانتو عارفين الباقي هنخسر الشارع
واللي يخسر شعب مصر الطيب البسيط أبو قلب أبيض هو الخسران
واللي يخسر شعب مصر الطيب البسيط أبو قلب أبيض هو الخسران
وان شاء الله خير
ليست هناك تعليقات:
إرسال تعليق