الجيش ضرب وقتل وسحل وقلع البنات الجيش شتم وسب ولعن وفات وقت السكات
الناس اللي خايفة علي الكيان الهميوني المسمي بالدولة المصرية - لان دولة يهان فيها مواطن ويتقتل في الشارع وتنتهك حرمته لا تستاهل مسمي الدولة ولا مفروض يخاف عليها حد-مرعوبين من فكرة طب وبكرة هيحصل ايه؟ مين هيحكمنا؟؟ هنقول لمين بابا من بعدك يا طيطو مع ان طيطو مش بابا من زمان يعني
الناس دول ما بيخافوش من فكرة ملحة بتقول يا فرعون ايش فرعنك قال ملقيتش حد يلمني بيعملوا فرعون جديد ويقولوله براحتك خالص اعتبرها بلدك لوحدك ولا كأننا موجودين مرعوبين اننا لو رفضنا الظلم والاهانة والسحل والقتل يبقي الانتخابات هتبوظ ايه الحلاوة دي؟ ليه بتحسسوني انها بلدهم ونحمد ربنا قوي لو سمحولنا نتنفس؟ يا جماعة انا عايزة سلطة تشريعية والله عايزاها بس مش باعرف اقايض ولا اساوم مش باعرف حد يقولي اتنازلي عن آدميتك ولا شوية كرامة عشان الامور تمشي ما با عرفش انصاف الحلول خصوصا في الحاجات اللي ما ينفعش فيها نص حل تحياتي للانتخابات التشريعية في بلد فاقدة لكل شرعية
ليست هناك تعليقات:
إرسال تعليق