من فترة وانا مش متصورة ان الدش ضرورة طب ضرورة ليه؟ اي حاجة عايزاها موجودة عالنت حتي المسلسلات والحاجَة- عمتي- مكتفية بمسلسل سبعة وتمانية و11 الصبح واخبار الاولي الساعة اتنين وستة وتسعة والدنيا ماشية
بدات مأساتي من حوالي شهرين كل يوم أرجع من المستشفي تستلمني ب خربتوا البلد وعايزين ايه تاني؟ افضل اشرح وما انامش الضهر واحيانا أضطر ادور علي افلام ومادة اعلامية محترمة عاليوتيوب وأشوفها تاني معاها وأمري الي الله
لحد ما بقيت كل ما تصادف اني اسمع اي حاجة عالقنوات المصرية الرسمية بتجيلي حالة من الهياج رهيبة وحرام عليهم والكلام ده بيقولوه ازاي والنفاق مش للدرجة دي
وخلاص قررت عشان احل مشاكلي اجيب الدش واخلص من الليلة كلها مفيش نشرة أخبار بتطلع من ماسبيرو الا وهيه كدب وتلفيق ولي لعنق الحقيقة وعشان ما يجيليش الضغط قلت خلاص كفاية لحد كده والحمد لله علي نعمة الفضائيات!!!
ليست هناك تعليقات:
إرسال تعليق