مجلس العسكر مقتنع ان الثوار جواسيس وأمريكا ممولاهم وعندهم خطة خبيثة للقضاء علي مصر
تصدق يا مجلس انا ما أطمأنيت علي مصر قد ما اطمأنيت عليها الايام دي
بلدي اللي باحبها والعن ابوها علي راي جاهين
طلع لها ولاد كتير بيحبوها اكتر من نفسهم
متحمسين زيادة جايز
متهورين يمكن
مجانين طبعا ما اقدرش انكر وانا اولهم
انما مش خونة والله ما خونة ولا حتي ممكن يخونوا
وهيه اصلها مش كيميا لو هما بتوع تخريب وتمويل مش هيطلعوا بالنهار ويواجهوا الموت
طب السؤال بقه يا مجلس امريكا الطاهرة الطاهرة بتقولك علينا كده ليه؟؟؟
الحدق يفهم يا والدي ده اذا كان يعني عايز يفهم ومش هو مؤلف الليلة ومحدش قاله حاجة اصلا
